24 noy 10:01
Yangiliklar

Dzyudo

Osaka “Katta Dubulg'a”. Jahon chempionini mag'lub etgan Bobonov 1/4 finalga chiqdi!

Osakada o'tayotgan “Katta Dubulg'a” turkumiga kiruvchi turnir o'zining qizg'in pallasiga kirib bormoqda.

Alisher Yusupov va Muhammadkarim Hurramovdan so'ng uchinchi vakilimiz Davlat Bobonov ham musobaqaning chorak finaliga yo'l oldi. Bobonov ketma-ket uchta bellashuvni o'z foydasiga hal qildi.

U avvaliga amerikalik Jon Jeyn, keyin chexiyalik Devid Klammert, uchinchi bosqichda esa amaldagi jahon chempioni, o'tgan yilgi Osaka turnirining kumush medali sovrindori, shu yilgi Ekaterinburg “Katta Dubulg'a” turniri g'olibi, gollandiyalik Van T End Noelni mag'lubiyatga uchratdi.

Birozdan so'ng hamyuyurtimiz musobaqaning yarim final yo'llanmasi uchun yaponiyalik Sanshiro Muraoga qarshi tatamiga chiqadi. Bu bellashuvda ham dzyudochimizga omad tilaymiz va g'alaba kutib qolamiz!