Osiyo chempionatining jamoaviy bahslariga qura tashlandi. Yaponiya bilan faqat finalda uchrashishimiz mumkin

Qura natijasiga ko'ra, Ilias Iliadis murabbiyligidagi O'zbekiston terma jamoasi 1/4 finalda turkmanistonlik dzyudochilarga qarshi bahs olib borishadi. Qo'shnilarimiz so'nggi musobaqalarda ancha yaxshi natija ko'rsatishyapti. Ayniqsa, ayollar terma jamoasining engil vazndagi dzyudochilari sovrindorlar safidan joy olib kelmoqda.

Agar Turkmaniston to'sig'idan o'tib olsak, 1/2 finalda Mo'g'uliston - Xitoy Taypeyi juftligi g'olibi bilan to'qnash kelamiz. Ikkinchi setkada Yaponiya - Koreya Respublikasi, Qozog'iston - Hindiston juftliklari o'zaro munosabatlariga oydinlik kiritib olishadi. Biz dzyudo vatani vakillari - Yaponiya terma jamoasi bilan faqat finalda uchrashishimiz mumkin.  

Terma jamoamiz tarkibi:

-73 kg: SHahram Ahadov, Murodjon Yo'ldoshev

-90 kg: SHarofiddin Boltaboev, Nurbek Murtazoev

+90 kg: Muzaffarbek To'raboev, Alisher Yusupov

-57 kg: Sita Kadambaeva, SHukurjon Aminova

-70 kg: Gulnoza Matniyazova, SHohista Nazarova 

+70 kg: Irisxon Qurbonboeva, Rinata Ilmatova