Osiyo Ochiq Kubogining birinchi kuni 4 ta medal qo'lga kiritildi + FOTO

Jami sakkiz davlat terma jamoalarining ikki yuz nafardan ziyod sportchilari ishtirok etayotgan musobaqada o'zbekistonlik dzyudochilar ham medallar uchun tatamiga chiqishmoqda. Dzyudochilarimiz bugungi bellashuvlarda 4 ta medalga ega chiqishdi. -73 kg vazn toifasidagi vakilimiz Murodjon Yo'ldoshev barcha raqiblarini engib, musobaqa g'olibiga aylandi. U oltin medal uchun kechgan bahsda qozog'istonlik Janbolat Bagtbergenovni mag'lubiyatga uchratdi. 

Ayollar o'rtasidagi musobaqaning -48 kg vazn toifasi bellashuvlarida yurtimiz sharafini himoya qilgan Gulnur Muratbaeva bronza medaliga sazovor bo'ldi. U bronza uchun kechgan bahsda yana bir yurtdoshimiz Fotimaxon Tursunboevadan ustun keldi. Terma jamoamizga uchinchi va to'rtinchi bronza medallarni SHukurjon Aminova hamda Muxlisa Ganjaeva taqdim etdi. -57 kg vazndagi dzyudochi qizlarimiz bronza medali uchun bo'lib o'tgan bellashuvlarda mos ravishda rossiyaliklar - Danna Nagucheva hamda Vita Maydanikdan ustun kelishdi.     

SHoxsupaga ko'tarilgan dzyudochilarimiz:

-73 kg: Murodjon Yo'ldoshev - OLTIN

-48 kg: Gulnur Muratbaeva - BRONZA

-57 kg: SHukurjon Aminova, Muxlisa Ganjaeva - BRONZA