Osiyo o'yinlari g'olibi Mo'minjon Abdullaevni tabriklaymiz!

Polvonimiz oila azolari davrasida o'z tavallud ayyomini nishonlamoqda. Mo'minjon Abdullaev 1989 yil 24 dekabr kuni Samarqand viloyatida dunyoga kelgan. -130 kg vazn toifasida O'zbekiston terma jamoasi azosi. Jakartada o'tgan Osiyo o'yinlari g'olibi, Osiyo chempionatining kumush medali sovrindori, London Yozgi olimpiya o'yinlari ishtirokchisi. 

Osiyo o'yinlarida u Janubiy Koreya, Tojikiston va eronlik polvonlarni mag'lub etib, finalgacha etib borgan. Hal qiluvchi bahsda esa qozog'istonlik Nurmakan Tinalievdan 8:0 hisobida ustun kelib, shohsupaning eng yuqori pog'onasiga ko'tarilgan. Ayni paytda Mo'minjon Tokio Olimpiadasiga licenziya taqdim etuvchi turnirga tayyorgarlik ko'rmoqda.

Fursatdan foydalanib, O'zbekiston sport kurashlari associaciyasi rahbariyati, murabbiylar shtabi, hakamlar va kurashchilar nomidan bugun shukrona kunini nishonlayotgan Mo'minjon Abdullaevni chin ko'ngildan tabriklaymiz. Unga sihat-salomatlik, oilaviy baxt va albatta Olimpiada yo'llanmasini qo'lga kiritishini tilaymiz.