Osiyoning yirik kompleks musobaqalariga tayyorgarlik qanday ketmoqda?

Unda OOK shafeligida o'tkaziladigan yirik sport musobaqalariga tayyorgarlik masalalari muhokama etildi.

2021 yilda Osiyo Olimpiya kengashi qitamizda 3 ta yirik turnir o'tkazadi. Ular – aprel oyida Xitoyning Sane shahrida bo'lib o'tadigan Osiyo sohil o'yinlari, may oyida Tailandning Bangkok va CHonburi shaharlarida Jang sanati va yopiq inshootlardagi Osiyo o'yinlari, noyabr oyida Xitoyning SHantou shahrida uchinchi o'smirlar Osiyo o'yinlaridir. 2022 yilning aprel oyida esa Xitoyning Xanchjou shahrida XIX Osiyo o'yinlari bo'lib o'tadi.

Mazkur yig'ilishda o'yinlar Tashkiliy qo'mitalarning vakillari bo'lajak musobaqalarning sport dasturlarini, bellashuvlar o'tadigan obektlarning tayyorgarligi, musobaqalarni boshqarish va o'tkazish rejalari bo'yicha taqdimot o'tkazishdi.

Sane shahridagi oltinchi Osiyo sohil o'yinlari 2020 yil noyabr oyida bo'lib o'tishi rejalangan edi. Biroq COVID-19 pandemiyasi sababli 2021 yilning 2-10 apreliga ko'chirildi. Unda ishtirok etish uchun 43 milliy Olimpiya qo'mitalarining 3173 nafar atleti (1923 erkak va 1250 ayol) sportning 17 turi bo'yicha bellashish uchun ro'yxatdan o'tganlar.

Jang sanati va yopiq inshootlardagi Osiyo o'yinlari 2021 yilning 21-30 may kunlari Bangkok shahri va CHonburi provinciyasida o'tkaziladi. Musobaqada atletlar sportning 29 turida bellashishadi. SHuningdek, O'yinlarda 290 ta start, sportning ikki turi, shu jumladan tekbol bo'yicha sinov musobaqalar o'tkazilishi ko'zda tutilgan.

2021 yilning 20-28 noyabrida Xitoyning Guandun provinciyasi, SHantou shahrida uchinchi Osiyo o'smirlar o'yinlari bo'lib o'tadi.

Osiyo Olimpiya kengashining vice-prezidenti Sun Lyuzen onlayn uchrashuvni yakunlar ekan, Osiyo va butun dunyoda sportni rivojlantirishga xizmat qiladigan ushbu O'yinlarga muvaffaqiyatli tayyorgarlik ko'rilayotganligini takidladi. Tashkiliy qo'mitalarning taqdimotlari natijasida ushbu muhim musobaqalarga tayyorgarlik to'g'risida aniq tasavvur hosil bo'ldi.