O'smirlar Olimpiya o'yinlariga yana bitta yo'llanma qo'lga kiritdik

Bundan bir necha daqiqa oldin Hammameddan hushxabar etib keldi. Bahslarda -48kg vazn toifasida janglarda ishtirok etayotgan Ulug'bek Rashidov barcha raqiblarini mag'lubiyatga uchratib, oltin medal qo'lga kiritdi. Ushbu g'alaba sportchimizga Argentinada bo'lib o'tadigan III o'smirlar Olimpiya o'yinlariga yo'llanmani taqdim etdi. 

SHuni qayd etib o'tishimiz lozimki, Ulug'bek musobaqa davomida Malayziya, Bahrayn, Belorus, Tunis, Koreya mamlakatlari vakillarini mag'lubiyatga uchratib, finalgacha etib keldi. Qiyin kechgan hal qiluvchi jangda esa u rossiyalik raqibini  31:28 hisobida taslim etdi.

Eslatib o'tamiz, ushbu musobaqada terma jamoamiz quyidagi tarkibda ishtirok etmoqda:

-48 kg: Ulug'bek Rashidov 

-63 kg: Jasur Jaysunov

-73 kg: Abdulaziz Hamidullaev 

-49 kg: Madinabonu Mannopova 

-55 kg: Ozoda Sobirjonova  

-63 kg: Feruza Sodiqova.