24 dek 09:34
Yangiliklar
Futbol
Otabek SHukurov BAA klubiga o'tdi
"Bunyodkor" klubi yarim himoyachisi Otabek SHukurov faoliyatini xorijda davom ettiradigan bo'ldi.
BAAning "SHarja" klubi erkin agent maqomidagi Otabek SHukurov bilan 1,5 yillik shartnoma tuzdi. Bu haqda championat.asia "SHarja" klubining tvitterdagi rasmiy sahifasiga tayanib xabar berdi.
"SHarja" klubiga 1966 yilda asos solingan. O'z uy o'yinlarini SHarja shahridagi "Sharjah Stadium"da o'tkazadi. Sig'imi - 11073 tomoshabin. Ayni paytda jamoani Abdulaziz Muhammad boshqarib bormoqda.
Klub 5 marta BAA chempioni bo'lgan. 8 bor BAA Prezidenti kubogi sohibiga aylangan. Bir marta BAA Superkubogida g'olib bo'lgan. Ayni paytda klub safida Sezar Pinares (CHili), Velliton (Braziliya) va Vagner Vieyra (Braziliya) kabi legionerlar bor.
Bu mavsumda "SHarja" 11ta turdan so'ng 10 ochko bilan 12ta klub orasida 9-o'rinda bormoqda.
Havola :
Manba : championat.asia
Fikrlar