O'zbek karatesida talon-toroj bo'lgan millionlar - federaciya rahbarlariga nisbatan jinoyat ishi ochildi

Bu haqda Effect.uz’ga ishonchli manba xabar bermoqda.

Malum bo'lishicha, Bosh prokuror o'rinbosarlaridan biri “Jismoniy tarbiya va sport to'g'risida”gi Qonun ijrosi yuzasidan tekshiruv olib borgan.

Unga ko'ra, O'zbekiston Karate milliy federaciyasi mansabdor shaxslari va boshqalar rasmiy hujjatlarga soxta yozuvlar kiritib, juda ko'p miqdordagi byudjet mablag'larini talon-toroj qilishgan.

Xususan, 2020-2021 yillarda o'tkazilgan 10 o'quv yig'inlarida 49 nafar sportchilar amalda qatnashmagan hamda mehmonxona xizmatidan foydalanmagan bo'lsalarda, ishtirok etganligi haqida soxta hujjatlar rasmiylashtirilib, 403 mln. so'mlik byudjet mablag'lari o'zlashtirilgan.

SHuningdek, sportchilar tomonidan ishlatilmagan 64 turdagi 78,5 mln. so'mlik dori vositalari talon-toroj qilingan.

Bundan tashqari, sport zal ijaraga olinganligi haqida hujjatlar rasmiylashtirilib, 128 mln. so'm mablag'lar amalda sport zaliga ega bo'lmagan mehmonxonaga o'tkazilib, o'zlashtirilgan.

SHu kabi, 2021 yilda o'tkazilgan 3 ta sport musobaqalari qatnashuvchilari tomonidan to'langan 150 mln. so'm badal pullari kirim qilinmasdan, talon-toroj qilingan.

SHu bilan birga, meyoriy hujjatlar talbalariga zid ravishda, karate bo'yicha jahon chempioni D.Otabolaevga trenerlik qilmagan U.Bekpulatovga davlat byudjetidan asossiz ravishda 6 ming AQSH dollari to'lanishiga erishib, byudjet mablag'lari o'zlashtirilgan.

Yuqoridagilarga ko'ra, O'zbekiston karate milliy federaciyasi mansabdor shaxslari va boshqaruvlarning harakatida JKning 167 moddasi 3-qismi “a” bandi hamda 228-moddasi 2-qismi “b” bandida ko'rsatilgan jinoyat alomatlari mavjudligi aniqlangan.

O'zbekiston karate milliy federaciyasi mansabdor shaxslari va boshqalarga nisbatan JKning 167-moddasi 2-qismi “b” bandi bilan jinoyat ishi qo'zg'atilgan.

Eslatib o'tamiz, ayni paytda O'zbekiston karate milliy federaciyaga Alamjon Mullaev rahbarlik qilib kelmoqda. Malumot uchun, Alamjon Mullaev va Nurxon Nafasov o'rtasida federaciya rahbarligi masalasida uzoq vaqtdan buyon tushunmovchiliklar bo'lib turadi.