O'zbek taekvondo yulduzlari arafa kuni savobli ishga qo'l urishdi

Bugun, 14 iyun kuni muqaddas Iydu Ramazon bayrami arafasida O'zbekiston milliy olimpiya qo'mitasi va taekvondo WTF associaciyasi tashabbusi bilan tadbir tashkil qilindi. Unda o'zbek taekvondosi yulduzlari Jasur Boyqo'ziev, Nikita Rafalovich, Dmitriy SHokin, Niyoz Po'latov, Nigora Tursunqulova, Svetlana Osipova va terma jamoamizning boshqa azolari bosh murabbiy Akmal Ergashev va Taekvondo WTF associaciyasi rahbarlari bilan birga poytaxtimizdagi "Muruvvat" nogiron bolalar uchun 2-son internat uyida mehmon bo'lishdi.
Sportchilar tadbirida ishtirok etib, bolajonlar uchun o'ziga xos bayram uyushtirib berishdi. Estradamiz yulduzlari Farrux Komilov hamda "Afro'z" guruhi ham o'z chiqishlari bilan bayramga o'zgacha kayfiyat bahsh etishdi. Tadbir davomida maxsus-internat tarbiyalanuvchilariga o'yin-kulgi uyushtirib berildi, turli sovg'alar taqdim etildi.

Albatta, mana shunday muqaddas kunlarda etiborga muhtojlarning holidan xabar olish o'zbek xalqining olijanob hislatlaridan  hisoblanadi. SHunday ekan, tashkil etilgan ushbu tadbir ham savob, ham ushbu ezgu ishlarni amalga oshirish yo'lida o'ziga hos namuna vazifasini bajarib berganligini qayd etib o'tishimiz lozim.