O'zbekiston boks federaciyasi Lazizbek Mullojonov bilan bog'liq vaziyat bo'yicha munosabat bildirdi

Lazizbek Mullojonovda antidoping qoidalarini buzish borasida muammolar paydo bo'ldi

O'zbekiston boks federaciyasi o'zining rasmiy Telegram kanalida holat bo'yicha munosabat berdi.

"Ijtimoiy tarmoqlarda tarqalyotgan Lazizbek Mullajonov haqidagi xabarlarga rasmiy izoh: Xabaringiz bor, Lazizbek Mullajonov O'zbekiston milliy terma jamoasi azosi, Parij-2024 Olimpiya o'yinlari oltin medal sohibi hisoblanadi. Ijtimoiy tarmoqlarda bokschimizda doping moddasi aniqlangani va buning natijasida Parij-2024 Olimpiya o'yinlari oltin medali natijasi bekor qilinishi to'g'risida tasdiqlanmagan xabarlar tarqalmoqda.

O'zbekiston boks federaciyasi shuni malum qiladiki, bugungi kunda Mullajonov professional boksda o'z faoliyatini davom ettirmoqda. Sportchimiz doimiy ravishda doping qoidalariga rioya qilib kelgan va doping sinama testlari natijalari har doim natijalari manfiy chiqqan bo'lib, joriy yilning 11 iyun kuni Xalqaro doping qoidalariga ko'ra sportchimizdan doping sinama testi olingan va Xalqaro Test agentligiga (ITA) tomonidan test natijalariga ko'ra taqiqlangan moddalar borligi aniqlanganligi yuzasidan axborot xati taqdim qilindi.

Sportchimiz Parij-2024 Olimpiya o'yinlaridan so'ng, 2024 yil 19 noyabr kuni Farg'ona shahridagi xususiy shifoxonada soch ko'chirib o'tkazish amalyotini o'tkazganli sababli, 4 bosqichli operaciya amalyotida va operaciyadan keyingi muolajalarda shifoxona tomonidan taqdim qilingan davolanish uchun dori vositalarini qabul qilganligi va ushbu dori vositalarida ayrim taqiqlangan doping moddalari bo'lishi mumkinligi taxmin qilinmoqda.

O'zbekiston boks federaciyasi va Lazizbek Mullajonov tomonidan Xalqaro Test agentligiga (ITA) ushbu masala yuzasidan kerakli barcha hujjatlar taqdim qilingan bo'lib, Lazizbek yakuniy qaror chiqishini kutmoqda.

Ijtimoiy tarmoqlarda vakilimiz doping qoidalarini buzganligi sababli Parij-2024 Olimpiya o'yinlari oltin medali natijasi bekor qilinishi to'g'risida xabarlar asossiz ekanligi va yuqoridagi holat Olimpiya o'yinlaridagi natijasiga hech qanday tasir ko'rsatmasligini malum qilamiz.

SHu o'rinda OAV vakillaridan malumotlarni tekshirmasdan O'zbekiston boks federaciyasi va bevosita Mullajonov bilan bog'lanmasdan oldin asossiz malumotlarni tarqatmasliklarini so'raymiz", deyiladi federaciya bayonotida.