O'zbekiston chempionati. Umumjamoa hisobida kim nechanchi o'rinni egalladi?

Musobaqada Qoraqalpog'iston Respublikasi, barcha viloyatlar hamda Toshkent shahrida 500 nafardan ziyod tajribali va shu bilan birga istedodli dzyudochilar jami 14 ta (7 ta erkaklar, 7 ta ayollar) vazn toifasida tatamiga chiqishdi. 

Uch kunlik mamlakat chempionati yakunlariga ko'ra umumjamoa hisobida Surxondaryo viloyati terma jamoasi 3 ta oltin, 2 ta kumush, 5 ta bronza medali bilan birinchi o'rinni egalladi. Qoraqalpog'istonlik dzyudochilar ham surxondaryolik polvonlar singari uchta oltin medalni qo'lga kiritishdi. Lekin ularning hisobida kumush va bronza medallar yo'qligi bois, ikkinchi o'rinni band etishdi. Kuchli uchlikka Qashqadaryo viloyati terma jamoasi 2 ta oltin, 3 ta kumush, 2 ta bronza medali bilan yakun yasadi. 

O'zbekiston dzyudo federaciyasi matbuot xizmati