O'zbekiston chempionatida medallar jamg'arish bo'yicha qaysi viloyat birinchi bo'ldi?

To'rt kunlik bellashuvlar yakuniga ko'ra, Qashqadaryo viloyati terma jamoasi medallar jamg'arish bo'yicha umumjamoa hisobida birinchi o'rinni egalladi. Ular 3 ta oltin, 1 ta kumush, 4 ta bronza medalini qo'lga kiritishdi. Gulhayo Jo'raeva, Marjona Ko'chimova va Islombek Ravshanqulov o'z vazn toifalarida O'zbekiston chempioni bo'lishdi. 

Anvarjon Ibrohimov va SHahram Ahadovning oltinlari ham qo'lga kiritilgan 6 ta kumush medal Buxoro viloyati terma jamoasiga ikkinchi o'rinni taqdim etdi. Kuchli uchikka Xorazm viloyati dzyudochilari 2 ta oltin, 2 ta kumush, 4 ta bronza medali bilan yakun yasashdi. 

Toshkent shahri, Navoiy va Samarqand viloyati terma jamoalari safida ham 2 nafardan O'zbekiston chempioni bo'ldi. Surxondaryo terma jamoasiga yagona oltin medalni tajribali Hikmatulloh To'raev keltirdi. Andijon viloyatidan tashqari qolgan barcha hudud jamoalari kamida bitta medal qo'lga kiritishdi.