O'zbekiston chempionatining tantanali ochilish marosimi bo'lib o'tdi FOTOGALEREYA

Tadbirda Viloyat sport boshqarmasi, O'zbekiston dzyudo federaciyasi mutasaddilari, faxriylar, sportchilar hamda mehmonlar hozir bo'lishdi.

 "Dzyudo — bu faqat sport emas! Bu chin manoda sanat, falsafa, o'zaro hurmat belgisi hamdir. Aynan mana shu tarifu xislatlarga biz tatamidagi bellashuvlarda guvoh bo'lyapmiz. O'zbekiston chempionati shunchaki musobaqa emas, bu xalqaro arenalarga boshlanadigan yo'l, terma jamoaga munosib nomzodlarni etkazib berishi bilan ahamiyatli turnir hisoblanadi", dedi Jizzax viloyat Sport boshqarmasi boshlig'i Jaloliddin O'ktamov.  

Marosimda so'zga chiqqan O'zbekiston dzyudo federaciyasi Bosh kotibi Aziz Sobirov musobaqa ishtirokchilariga omad tilash barobarida, to'rt kunlik chempionatni yuqori saviyada tashkil qilishda jonbozlik ko'rsatayotgan Jizzax viloyati mutasaddilariga minnatdorlik bildirdi. 

O'zbekiston chempionatining yuqori saviyada o'tishi uchun bir necha kundan beri mehnat qilayotgan mezbonlar o'zbek dzyudosini dunyoga tanitib kelayotgan insonlar - O'zbekiston Milliy olimpiya qo'mitasi raisi o'rinbosari, O'zbekiston dzyudo federaciyasi raisi Azizjon Kamilov, Olimpiada chempioni, dzyudo bo'yicha dunyoning eng yosh Olimpiya o'yinlari chempioni, terma jamoamiz bosh murabbiyi Ilias Iliadis, dzyudo bo'yicha o'zbekistonlik birinchi Olimpiada chempioni, ayol sportchilarimiz orasida ilk yozgi Olimpiya o'yinlari chempioni Diyora Keldiyorova, Olimpiya o'yinlari sovrindori, jahon chempioni Davlat Bobonov, Parij Olimpiadasi sovrindorlari Muzaffarbek To'raboev va Alisher Yusupovga zarcho'pon kiydirishdi. 

O'zbekiston Respublikasi davlat madhiyasi yangragach, tantanali ochilish marosimining badiiy qismiga navbat berildi. Badiiy jamoalarning ajoyib chiqishlariyu, kuy qo'shiqlar arenaga yig'ilganlarga xushkayfiyat bag'ishladi. SHundan keyin final bellashuvlariga navbat berildi.