O'zbekiston erkaklar terma jamoasi Jahon chempionatining 1/2 finalida!

O'z tarixida 42-marotaba tashkil etilayotgan dunyo birinchiligida ayni daqiqalarda jamoaviy bahslar o'tkazilmoqda. Odatda Olimpiada, jahon va qita chempionatlarida aralash jamoaviy bellashuvlar tashkil etiladi. Harbiylar o'rtasidagi jahon chempionatida esa erkaklar va ayollar o'rtasidagi musobaqa alohida tarzda o'tkaziladi. 

O'n etti davlat terma jamoalari qatnashayotgan erkaklar o'rtasidagi musobaqada O'zbekiston dzyudochilari 1/2 finalga yo'l olishdi. Dzyudochilarimiz avvaliga Turkmaniston, keyin esa Iordaniya terma jamoasini bir xil 3:0 hisobida taslim etishdi.