So’nggi yangiliklar

18:25МакГрегор ўз рекордини Хабиб, Топурия ва Махачевнинг рекорди билан солиштирди 0 18:02UFC ҳар йили Забит Магомедшариповга қайтишни таклиф қилади 0 17:38Флойд Мейвезер фаолиятидаги энг муҳим 7 та ғалабасини санаб берди 0 17:17"Элит футболчи бўлади". Машҳур скаут — Ҳусановнинг "Манчестер Сити"даги истиқболи ҳақида 0 16:54Анкалаев: "Мен августда жанг қилишга рози бўлганимдан сўнг, Перейра реваншни истамаётгандек туюлмоқда" 0 16:28Александр Волков июнь ойидаги UFC турнирида жанг қилиши мумкин 0 16:05Хельвани: "Белал Муҳаммад UFC чемпионлигидан айрилиши мумкин" 0 15:39АПЛнинг мавсумдаги энг тезкор футболчиси аниқланди 0 15:17Чисора чемпион бўлган тақдирда ҳам фаолиятини якунлайди 0 14:52Жозеф Спенсер жамоаси беш кун қолганида Тим Цзю билан жанг қилишдан бор тортмоқда, сабаби ўзига хос! 0 14:26PFL World Tournament 1 турнирининг тўлиқ карди, бошланиш вақти ва манзили аниқ! 0 14:05Карло Анчелотти 4:4 ҳақида: "Реал" уйида ҳеч қачон таслим бўлмайди" 0 13:44Ўзбекистон иштирок этадиган ЖЧ учун чипталар сотувга чиқарилди 0 13:23Расман. Конорнинг "издоши" UFC турнирининг асосий жангида октагонга чиқади + ПОСТЕР 0 13:02Фигурали учувчилар Екатерина Гейниш ва Дмитрий Чигирёв мавсумни Жаҳон рейтингида нечанчи ўринда якунлашгани маълум бўлди 0

04 apr 18:55
Yangiliklar

Gimnastika

O'zbekiston gimnastika federaciyasiga yangi prezident saylandi

Teglar :  Gimnastika
Bugun, 4 aprel kuni Milliy olimpiya qo'mitasida O'zbekiston gimnastika federaciyasining navbatdan tashqari hisobot-saylov konferenciyasi bo'lib o'tdi.

Unda O'zbekiston Milliy olimpiya qo'mitasi Prezidenti Umid Ahmadjonov, Jismoniy tarbiya va sport vaziri SHoakram Isroilov, Milliy olimpiya qo'mitasi Bosh kotibi Jasur Matchanov, shuningdek, O'zbekiston gimnastika federaciyasi mutasaddi xodimlari ishtirok etishdi.
Konferenciyani O'zbekiston gimnastika federaciyasining birinchi vice-prezidenti Ruslan Mustaev ochib berdi va kun tartibi bilan tanishtirdi. Unga ko'ra, asosiy masala O'zbekiston gimnastika federaciyasiga yangi Prezident saylab olish edi. SHundan so'ng so'z O'zbekiston sport faxriylari kengashi raisi, Milliy olimpiya qo'mitasi Prezidenti maslahatchisi Komiljon Xudoyberdievga berildi. Sport faxriysi mazkur lavozimga bungacha «Yoshlar ittifoqi sport markazi» masuliyati cheklangan jamiyat direktori lavozimda faoliyat olib borgan mutaxassis, O'zbekiston Respublikasida xizmat ko'rsatgan sport ustozi Abdullaeva Zarrina Azamovna nomzodini taklif qildi. Konferenciya ishtirokchilari ushbu nomzodni qo'llab-quvvatlashdi va shu tariqa Zarrina Abdullaeva O'zbekiston gimnastika federaciyasi Prezidenti lavozimiga ko'pchilik ovoz bilan saylandi.

O'z navbatida masuliyatli lavozimga saylangan Zarrina Abdullaeva mamlakatimizda gimnastikani yanada rivojlantirish uchun qo'ldan kelgan barcha ishni qilishga tayyor ekanligini malum qildi.

"Barchamizga yaxshi ayon, gimnastika mamlakatimizda malum darajada rivojlangan, ommaviylashgan. Ammo, shunga qaramay ayni paytda muammolar etarli. Bir qancha yo'nalishlarda oqsash ko'zga tashlanadi. Jumladan, sport gimnastikasi, trampolin va akrobatikada natijalar ko'ngildagidek emas. Birgalikda yangi tizimni yo'lga qo'yib olishimiz kerak. Malakali mutaxassislarni jalb etib, ular bilan tajriba almashishimiz lozim. Jipslashgan holda harakat qilib, kelajakda mamlakatimizda gimnastikani yanada rivojlantiramiz, O'zbekistonning dunyo sport hamjamiyatidagi o'rnini yanada yuksaltiramiz", - dedi federaciyaning yangi Prezidenti.


Yig'ilishda o'zbek gimnastikasi tarixida o'ziga xos iz qoldirgan faxriy sportchi Erkin Giyasov so'zga chiqib, yangi rahbariyatga omad tiladi. SHuningdek, Jismoniy tarbiya va sport vaziri SHoakram Isroilov gimnastika federaciyasini qo'llab-quvvatlashga tayyor ekanligini aytib o'tdi.

"Mana yuqorida gimnastika bo'yicha to'planib qolgan muammolar, yuzaga kelgan kamchiliklar haqida gapirildi. Ayni paytda ishlayotgan tizim bugungi kun talabiga javob bermaydi. Bolalar va o'smirlar sport maktablaridan oliy sportgacha bo'lgan bosqichlarda uzilishlar etarli. Bu borada vazirlik ish olib bormoqda. SHuningdek, kadrlar masalasi ham bizning eng og'riqli nuqtalarimizdan biridir. Ushbu masalani ham to'g'ri yo'lga qo'yib olish vaqti keldi. Barchamiz bilamiz, O'zbekiston gimnastika bo'yicha katta salohiyatga ega. Malakali kadrlar yordamida uni yuzaga chiqarishib, mamlakatimizda sportning ushbu turini yanada rivojlantirishga tayyormiz. Bu yo'lda Jismoniy tarbiya va sport vazirligi gimnastika federaciyasini to'liq qo'llab-quvvatlaydi", - dedi SHoakram Isroilov.

Konferenciya davomida shuningdek, O'zbekiston gimnastika federaciyasining birinchi vice-prezidenti sifatida ishlab kelgan Ruslan Mustaev va federaciya Bosh kotibi sifatida faoliyat ko'rsatgan Gyozella Fillipovalar o'z lavozimlaridan istefoga chiqishdi. Endi federaciyaning yangi rahbari ularning o'rniga munosib mutaxassislar nomzodini ko'rib chiqishi lozim bo'ladi.  

Konferenciya yakunida so'zga chiqqanlar bundan buyon O'zbekistonda gimnastikani yanada taraqqiy topdirish yo'lida birdamlik bilan ishlashga kelishib oldilar. SHu tariqa, O'zbekiston gimnastika federaciyasining navbatdan tashqari hisobot-saylov konferenciyasi o'z ishini yakunladi.

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing