O'zbekiston karate milliy federaciyasidan yangi akciya: videoroliklar tanlovida ishtirok eting va g'olib sifatida 10 million so'mni qo'lga kiriting!

Siz aholi o'rtasida sog'lom turmush tarzini keng targ'ib qilish va ommaviy sportni rivojlantirish bo'yicha davlatimiz siyosatiga hamohang tarzda, shuningdek, Olimpiya oilasiga kiruvchi karate sportiga o'sib kelayotgan yoshlarni ko'proq jalb etish, ularda karate sport turiga alohida mehr uyg'otishga qaratilgan maxsus videoroliklar tayyorlang hamda O'zbekiston karate milliy federaciyasining maxsus sovriniga ega bo'ling!

Videoroliklarda ushbu sport turi bilan muntazam shug'ullanib, yuqori maqsadlarni ko'zlayotgan umidli yoshlarning ishtiyoqi va malum natijalarga erishgan sportchilarning boy tajribasini umumlashtira olsangiz – g'oliblik aynan sizniki bo'ladi.

«Yangi O'zbekiston – o'zbek karatesining yangi davri», «Men karateni sevaman» va «Biz ommaviylikda birinchimiz» targ'ibot shiorlari ostida siz tomoningizdan tayyorlanib, eng yaxshi deya etirof etilgan videoroliklar mamlakatimizdagi telekanallar orqali namoyish etilishi ko'zda tutilgan. SHunday ekan, videoroliklarning nafaqat mazmuni, balki sifatiga ham alohida etibor qaratish lozim.

Videorolik karate sportining jozibadorligini ko'rsatib berishi va tabiat bilan hamohang ko'rinishda bo'lishi, shuningdek, yurtimizning tarixiy obidalari va zamonaviy inshootlari fonida tasvirga olingan bo'lishi talab qilinadi.

Eng yaxshi deya etirof etilgan videoroliklar ketma-ketlikda 10 000 000 so'm (1-o'rin), 5 000 000 so'm (2-o'rin) va 3 000 000 so'm (3-o'rin) miqdoridagi pul mukofotlari bilan taqdirlanadi. G'olib va sovrindorlar 15 kun ichida elon qilinadi.