O'zbekiston kikboksing terma jamoasi xalqaro musobaqada 15ta medal qo'lga kiritdi

Ushbu musobaqada O'zbekiston kikboksing terma jamoasi 21 nafar sportchi bilan ishtirok etdi. Delegaciyaga Muzaffar Gaziev rahbarlik qildi. Terma jamoa bosh murabbiyi Rashid Akalbaevga  murabbiylar Saribaev Gabiden, Turaqulov Bahrom va Yulchiev Farrux yordam berishdi.

Quvonarlisi kikbokschilarimiz 2ta oltin, 6ta kumush va 7ta bronza medaliga ega chiqishdi. Yani 21 nafar sportchidan 15 nafari sovrinli o'rinlarni egalladi.

91 kilogrammdan og'ir vaznda Yulchiev Farrux va 48 kilogramm vazn toifasida qizlar o'rtasida Aliqulova Zarnigor oltin medallarga ega chiqishdi.

Ibraimov Diyorbek, Abrolov Umidjon Alisher o'g'li, Abdullaev Humoyun Xurshid o'g'li, Pardaboev Azizbek, Zaripova Mohichehra va Qudratova Sadoqat kumush medallarni qo'lga kiritishdi.

Saginov Erdos, Ahmadov SHohruh, Mamurjonov Asadbek, Ilhomjonov Sardor kabi sportchilarimiz esa bronza medal sohibiga aylanishdi.