23 apr 08:48
Yangiliklar

Dzyudo

O'zbekiston Osiyo chempionatining jamoaviy bahslarida 1/2 finalga yo'l oldi

Ayni daqiqalarda Gonkong davlati mezbonlik qilayotgan dzyudo bo'yicha kattalar o'rtasidagi Osiyo chempionatining jamoaviy bellashuvlari bo'lib o'tmoqda.

Qura natijasiga ko'ra, Ilias Iliadis murabbiyligidagi O'zbekiston terma jamoasi 1/4 finalda turkmanistonlik dzyudochilarga qarshi bahs olib bordi. Ilk bellashuvda SHukurjon Aminova raqibasiga yutqazib qo'ydi. Qolgan to'rtta bahsda esa dzyudochilarimizning g'alabasi kuzatildi.

SHahram Ahadov, SHohista Nazarova, SHarofiddin Boltaboev va Irisxon Qurbonboeva terma jamoamizga Turkmaniston ustidan 4:1 hisobidagi g'alabani taqdim etdi. Endi terma jamoamiz Osiyo chempionatining 1/2 finalida ayni daqiqalarda davom etayotgan Mo'g'uliston - Xitoy Taypeyi juftligi g'olibi bilan to'qnash kelamiz.