O'zbekiston qishki Olimpiadalarda: Lillehammer-1994

Ushbu sport bayramida 90dan ortiq mamlakat qatorida O'zbekiston terma jamoasi sportchilari ham qatnashadilar. Musobaqa oldidan biz yurtimiz sportchilarining qishki Olimpiya o'yinlaridagi ishtiroki tarixiga nazar tashlaymiz. 

Lillehammer-1994

O'yinlar 1994 yili 12-27 fevral kunlari Norvegiyaning Lillehammer shahrida o'tkazilgan. Ushbu turnir mustaqil O'zbekiston tarixidagi ilk Olimpiada hisoblanadi. 

O'shanda nufuzli musobaqada yurtimiz sharafini 2 hil sport turidan 7 nafar sportchi himoya qilgan. 

Figurali uchish:

Aliki Sergaadu

Yuris Razgulyaev

Dinara Nurdbaeva

Muslim Sattorov

Fristayl: 

Sergey Brener

Lina CHeryazova

Larisa Udodova

Olimpiadaning ochilish marosimida Sergey Brener terma jamoamiz bayroqdori bo'lgan. 

Vakillarimiz orasida 17 yoshli Dinara Nurdbaeva terma jamoamizning eng yosh vakilasi bo'lgan. 28 yoshli Muslim Sattorov esa jamoadoshlari ichida yoshi eng katta sportchi edi.

Lillehammerdagi o'yinlarda O'zbekiston sporti tarixida "Oq Olimpiada"dagi ilk va bugungi kunda yagona bo'lib turgan oltin medal qo'lga kiritilgan. Fristaylning akrobatika bahslarida Lina CHeryazova barcha raqiblaridan yaxshi natija qayd etgan holda oltin medalni terma jamoamizga taqdim etgan. 

O'shanda hamyurtimiz saralash bahslarida 144,43 ball bilan o'n ikkinchi natijani qayd etib, final bosqichiga yo'llanma olgandi. Hal qiluvchi chiqishlarda esa CHeryazova 166,84 ball to'play olgan va yakunda barcha raqiblaridan yuqori natija qayd etib, shohsupaning eng yuqori pog'onasidan o'rin egallagan. Ushbu oltin medal evaziga O'zbekiston terma jamoasi Lillehammerdagi Olimpiadada umumjamoa hisobida 14-o'rinni egallagan.

Aziz To'xtamurodov