27 dek 08:04
Yangiliklar

Stol tennisi

O'zbekiston stol tennisida 2023 yil yakunlari sarhisob qilindi

Teglar : Stol tennisi

Yakunlanib borayotgan yil O'zbekiston stol tennisi uchun muvaffaqiyatli o'tdimi?

Stol tennischilarimiz yil davomida ko'plab xalqaro turnirlarda ishtirok etib, yurtimizga bir nechta medallarni olib kelishdi. SHuningdek, terma jamoamiz azolari Osiyo va jahon chempiontlarida qatnashishdi.

Quyida stol tennisi bo'yicha O'zbekiston terma jamoasi azolarining 2023 yilda qayd etgan natijalarini sarhisob qilamiz.

Joriy mavsumda WTT Youth Contender yoshlar seriyasida qizlarimiz 4 ta oltin, 5 kumush, 12 ta bronza, yigitlarimiz esa 4 ta oltin 6 ta kumush va 16 ta bronza medallarini qo'lga kiritishdi.

Qatardagi Osiyo saralash turnirining juftlik yo'nalishida Marhabo Magdieva va Rozalina Xadjieva jahon chempionatining final bosqichiga yo'l oldi.

Arujan Kamalova “World Hopes Week & Challenge” xalqaro turnirida bronza medal sohibiga aylandi.

Arujan Kamalova "ITTF Hopes Squad Singapure" dasturi ishtirokchisiga aylandi. 23 nafar yosh sportchimiz va 4 nafar murabbiy Xitoyda o'quv yig'in mashg'ulotolarini o'tkazishdi.

O'zbekistonlik para sportchimiz Sunatillo Murodullaev Misrdagi nufuzli musobaqada kumush medalni qo'lga kiritdi.

Doha shahrida o'tkazilgan yoshlar o'rtasidagi 27-Osiyo chempionatida Asel Erkebaeva U-15 toifasida 6-o'rinni egalladi va jahon chempionatiga yo'l oldi.

26-Osiyo chempionatida ayollar terma jamoasi 2024 yilda Koreyaning Pusan shahrida o'tadigan jamoalar o'rtasidagi jahon chempionatiga yo'llanmani qo'lga kiritdi.

Turkiy davlatlar universiadasida O'zbekiston terma jamoasi jamoaviy bahslarda qizlar va yigitlar jamoasi bronza medaliga ega chiqdi.

"Zaxarov", "Nikitin", "Posevin", "CHimkent kubogi", "Zolotaya osen", "Akpan Batir", "SHanirakga yo'l" singari halqaro turnirlarda sportchilarimiz doimiy ravishda g'olib va sovrindorlar qatorida bo'lishdi.