22 okt 16:40
Yangiliklar

Regbi, Suv sporti turlari, Olimpiya o'yinlari, Osiyo o'yinlari

O'zbekiston suzish federaciyasining hisoboti va strategiyasiga tanqidiy baho berildi

Teglar : Xanchjou-2022 Parij-2024

O'zbekiston Respublikasi Bosh vaziri o'rinbosari, Turizm va sport vaziri Aziz Abduxakimov ishtirokida O'zbekiston suzish va regbi federaciyalarining Tokio-2020 ciklidagi faoliyati yuzasidan hisoboti, shuningdek, 2022 yil Xanchjouda bo'lib o'tadigan XIX yozgi Osiyo o'yinlari, 2024 yil Parij shahrida o'tkaziladigan XXXIII yozgi Olimpiya o'yinlari uchun tayyorgarlik rejalari va taqdimotlari muhokama qilindi.

Yig'ilishda Rustam SHoabdurahmonov boshchiligidagi MOQ rahbariyati ham ishtirok etdi. Unda dastlab, suzish federaciyasining hisoboti tinglandi. Hisobotga ko'ra, Tokio-2020 cikli davomida cuzish federaciyasiga 25 mlrd. so'mdan ko'proq mablag'lar ajratilgani va bu davrda 66 ta mahalliy va 26 ta xorijiy o'quv-mashg'ulot yig'inlari tashkil etilgani malum qilindi.

Yig'ilish davomida suzish sport turining 4 ta (suzish, suvga sakrash, sinxron suzish va suv polosi) yo'nalishi bo'yicha o'zbekistonlik sportchilarning Tokio-2020 o'yinlariga faqatgina suzish yo'nalishi bo'yicha 2 ta licenziya qo'lga kiritilgani va Olimpiya o'yinlari davomida medal qo'lga kiritilmagani tanqid qilindi.

Yakunda oldindagi 3 yillikda amalga oshirilishi zarur bo'lgan rejalar muhokama qilindi. Suzishning har bir yo'nalishida xorijdan tajribali murabbiy va maslahatchilar taklif etish va bu sport turini respublikamizning chekka hududlarida ham rivojlantirish bo'yicha manzilli chora-tadbirlar rejasini ishlab chiqish bo'yicha topshiriqlar berildi.

SHundan so'ng, O'zbekiston regbi federaciyasi tomonidan amalga oshirilgan ishlar va federaciyaning 2024 yilga qadar 3 yillik ish rejasi bo'yicha taqdimotining muhokamsi bo'lib o'tdi.

Bunda asosiy etibor Parij-2024 Olimpiya o'yinlariga munosib tayyorgarlik ko'rish, shu davrga qadar yo'l qo'yilgan kamchiliklardan xulosa chiqargan holda kelgusi faoliyat bo'yicha aniq rejalar ishlab chiqish taklifi berildi.

Yig'ilish yakunida O'zbekiston terma jamoalari sportchilarini kelgusidagi nufuzli xalqaro musobaqalar, jumladan, Xanchjou va Parij o'yinlariga puxta tayyorlash hamda ularda munosib ishtirok etishlarini taminlash yo'nalishida Turizm va sport vazirligi, Milliy Olimpiya qo'mitasi, sport federaciya va associaciyalar, boshqa mutasaddi vazirlik va tashkilotlar oldidagi muhim vazifalar belgilab olindi.

SHuningdek, mutasaddilar oldiga Parij-2024 o'yinlarida licenzion va reyting musobaqalarda muvaffaqiyatli qatnashib, yo'llanma va medallar sonini Tokio-2020 o'yinlariga nisbatan yanada ko'paytirish vazifalari qo'yildi.