O'zbekiston taekvondo associaciyasi yirik fleshmob tashkil qilmoqda

Musobaqaga jiddiy tayyorgarlik ko'rayotgan O'zbekiston taekvondo associaciyasi ushbu sport turini yurtimizda yanada ommalashtirish, uning o'ziga xos qirralarini xalqimizga namoyish qilish maqsadida katta fleshmob tashkil qilmoqda, deb xabar beradi MOQ matbuot xizmati.

Ushbu tadbirni 8 avgust kuni poytaxtimizdagi “Xalqlar do'stligi” maydonida o'tkazish rejalashtirilgan bo'lib, unda yaqin yillar va ayni paytda faoliyat olib borayotgan ko'plab taekvondochilarimiz o'z mahoratlarini namoyish qilishadi. SHuningdek, muxlislar uchun bir-biridan chiroyli ko'rgazmali chiqishlar tayyorlab qo'yilgan. Jahon chempionati doirasida tashkil qilinayotgan ushbu fleshmobni Xalqaro va Osiyo taekvondo federaciyalarining rahbarlari ham bevosita tomosha qilishi kutilmoqda.