O'zbekiston taekvondo WTF associaciyasida tezkor yig'ilish o'tkazildi

Unda associaciyaning hududiy bo'limlari rahbarlari, bosh murabbiy, bosh hakam va mamuriy-boshqaruv xodimlari ishtirok etishdi. Yig'ilishda associaciya raisi xududiy bo'lim rahbarlari bilan tanishib, ularning talab va takliflarini tingladi. Albatta, bugungi kunda bo'limlarda ish darajasi qoniqarli, deb bo'lmaydi. Tezkorlik bilan yangri reja asosida ish olib borish kerakligi, mavjud kamchiliklarni bartaraf etib, murabbiylar faoliyatini yaxshilash, yo'l qo'yilgan xatolar ustida ishlab, ularni to'liq o'rganib chiqish kerakligi takidlab o'tildi.

Sportchilarning belbog'lar tasnifi uchun yig'iladigan badal pullarini qonuniy tarzda hududiy federaciyalar ixtiyorida qoldirish, viloyatlarda etishmayotgan jihozlarni aniqlab chiqish, Olimpiya o'yinlari vazn toifasi bo'yicha saralovchi turnir ish rejasini tayyorlash, viloyatlardagi iqtidorli sportchilar ro'yxatini tuzish, shuningdek, xalqaro hakamlik toifalariga ega referilar sonini oshirish va ularning xalqaro seminarlardagi ishtiroklarini taminlash eng dolzarb masalalardan ekanligi qayd etildi. Ushbu yig'ilishda belgilangan barcha ishlar yuzasidan to'liq nazorat associaciya rahbari zimmasida qoldirildi.