O'zbekiston va Qozog'istondan Osiyo chempionati finaliga necha nafardan bokschi etib keldi? (Barcha juftliklar)

World Boxing tomonidan tashkil etilayotgan qita birinchiligida bugun yoshlar (U-19) o'rtasida Osiyo chempionati g'olib va sovrindorlari aniqlanadi. Yarim finalda mag'lubiyatga uchragan bokschilar allaqachon bronza medallarini naqd qilib ulgurishdi. Bugungi final janglarida terma jamoamizning 10 nafar bokschisi Osiyo chempionligi uchun ringga ko'tariladi. 

Taqqoslash uchun, medallar yo'lidagi asosiy raqibimiz hisoblangan Qozog'iston terma jamoasining 7 nafar bokschisi final janglarida ringga chiqadi. Ulardan 5 nafari o'g'il bolalar, qolgan 2 nafari qizlardir. 

Yon qo'shnilarimizdan Adilet Tortubek (60 kg), Beybaris Ashirbay (70 kg), Timur Taybekov (80 kg), Nursultan Kistaubay (85 kg) va Rasul Asanxanov (90 kg) finalda o'z janglarini o'tkazishadi. Qozog'istonlik qizlardan Ayajan Ermek (57 kg) va Kuralay Eginbaykizi (80 kg) oltin medallar uchun bahs olib boradi. 

O'zbekiston terma jamoasi azolaridan 10 nafari finalga etib kelgani haqida xabar berdik: 6 ta o'g'il bolalar, 4 ta qizlarda final

Hamyurtlarimizdan Osiyo chempionligi uchun Jahongir Zayniddinov (65 kg), Abdulaziz Jo'raqulov (70 kg), Muhammadjon Yoqubboev (75 kg), Norbek Abdullaev (80 kg), Samir Sobirov (85 kg), Islam Salixov (+90 kg), Maftuna Musurmonova (48 kg), Sevara Mamatova (60 kg), Rayhona Qurbonboeva (70 kg) va Sobiraxon SHahobiddinova (+81 kg) ringga chiqadi. 

Uchta juflikda o'zbek-qozoq bokschilari qarama-qarshiliga guvoh bo'lamiz:

70 kg: Beybaris Ashirbay - Abdulaziz Jo'raqulov 

80 kg: Timur Taybekov - Norbek Abdullaev 

85 kg: Nursultan Kistaubay - Samir Sobirov 

Bokschilarimizning final janglari bilan tanishing:

-60 kg: Sevara Mamatova - Vini (Hindiston) 09:45

-70 kg: Rayhona Qurbonboeva - Abudureyimu Alimire (Xitoy) 10:15

+80 kg: Sobiraxon SHaxobiddinova - Parchi Tokas (Hindiston) 11:00

-48 kg: Maftuna Musurmonova - CHiranan Dapphonhan (Tailand) 11:15

-65 kg: Jahongir Zayniddinov - Mausam Suhag (Hindiston) 11:45

-70 kg: Abdulaziz Jo'raqulov - Ashirbay Bibaris (Qozog'iston) 12:00

-75 kg: Muhammadjon Yaqupboev - Rahul Kundu (Hindiston) 12:15

-80 kg: Norbek Abdullaev - Timur Taibekov (Qozog'iston) 12:30

-85 kg: Samir Sobirov - Nursultan Kistaubay (Qozog'iston) 12:45

+90 kg: Islam Salihov - Orxan Aghaev (Birlashgan Arab Amirliklari) 13:15