O'zbekiston velosport federaciyasining hisobot-saylov konferenciyasi bo'lib o'tdi

Unda 2013–2016 yillar davomida amalga oshirilgan ishlar yuzasidan federaciya rahbariyatining hisoboti tinglandi.

Aytish kerakki, to'rt yillik olimpiya ciklidagi federaciya faoliyati tanqidiy ruhda ko'rib chiqildi. Garchand sportning ushbu turida vakillarimiz turli xalqaro musobaqalar va turnirlarda ishtirok etgan bo'lsa-da, to'rt yillikning eng muhim musobaqasi - 2016 yilgi Rio-De-Janeyro shahridagi XXXI yozgi Olimpiya o'yinlariga birorta ham licenziyani qo'lga kirita olmadilar.

Konferenciyada shuningdek, velosport federaciyasi rahbariyatining yangi tarkibi saylandi. Jumladan, O'zbekiston velosport federaciyasi raisi lavozimiga O'zbekiston Respublikasi Bosh vazir o'rinbosari, Xotin-qizlar qo'mitasi raisi Tanzila Kamalovna Narbaeva, uning o'rinbosari etib Kozim O'rinboyxo'jaev bir ovozdan saylanishdi.

Tadbir davomida federaciya raisi Tanzila Narbaeva so'zga chiqib, 2013-2016 yillar davomida Federaciya ijrochilari tomonidan yo'lga qo'yilgan xato va kamchiliklar hamda ularni bartaraf etish, shuningdek bajarilishi lozim bo'lgan muhim vazifalar, istiqbolli rejalar xususida to'xtalib o'tdilar.

Jumladan, sportning ushbu turini mamlakatimizda yanada rivojlantirish, yoshlar orasida ommaviyligini oshirish masalalariga alohida urg'u berdilar.

SHuningdek, zudlik bilan O'zbekiston terma jamoa tarkibini qaytadan shakllantirish, buning uchun avvalo butun respublikamiz bo'ylab selekciya ishlarini kuchaytirish, o'quv-mashg'ulot yig'inlariga yosh iqtidorli va malakali murabbiylarni jalb qilish, joiz bo'lsa chet ellik mutaxassislarni maslahatchi sifatida taklif etish, veloklublarni tashkil etish va albatta kunchiqar yurtda bo'lib o'tadigan navbatdagi Tokio-2020 Olimpiya o'yinlariga licenziyalarni qo'lga kiritish ustivor vazifalar deb belgilandi.