O'zbekiston vs Ukraina. Vazni og'irlar g'alabani hal qilgan bellashuv

Ayni daqiqalarda musobaqaning so'nggi kuni jamoaviy bahslar o'tkazilmoqda. Hozirgina O'zbekiston hamda Ukraina terma jamoalari o'rtasidagi uchrashuv o'z yakuniga etdi. 

Biz uchun qura omadsiz kelgan bellashuvda ukrainalik dzyudochilar 4-1 hisobida g'alaba qozonib, yarim finalga yo'l olishdi. +63 va +81 kg vazn toifalarida kechgan bahslarda Qodirova hamda SHermahmatov o'zlaridan vazni ancha yuqori bo'lgan raqiblari bilan bellashishlariga to'g'ri keldi. 

Jamoamizga yagona g'alabani Muhibiddinov (-81 kg) taqdim etdi. Endi terma jamoamiz bronza medali yo'lidagi o'tish bellashuvida ishtirok etadi.