O'zbekistonda ilk bor Padel tennisi bo'yicha klub faoliyat boshladi + FOTOGALEREYA

Kecha, 15 may kuni poytaxtimizning Yunusobod tumanida joylashgan "Yunusobod sport majmuasi" hududida O'zbekiston uchun yangi sport turi bo'lmish padel tennisi bo'yicha Padel.Uz klubining tantanali ochilish marosimi bo'lib o'tdi. 

Tadbirda klub asoschilari, shuningdek, O'zbekiston yoshlar siyosati va sport vaziri o'rinbosari SHahrullo Mahmudov so'zga chiqib, klub, jumladan mazkur sport turining yurtimizda rivojlanishi uchun bor imkoniyat ishga solinishini aytdi.

Takidlash joiz, padel tennisi ilk bor 1969 yilda Meksikada o'ylab topilgan. Ushbu sport turi katta tennisdan birinchi navbatda, kortning kichikligi bilan farq qiladi, padel tennisi kortlari katta tennisdan farqli ravishda yopiq kortlardan iborat bo'ladi.

SHuningdek, padel tennisi koptogida ham katta tennisnikiga qaraganda biroz bosim pastroq hisoblanadi. Ammo o'yin qoidalari va tizim katta tennis bilan farq qilmaydi. Mazkur sport turi hali olimpiya yoki paralimpiya dasturlariga kiritilmagan, ammo Xalqaro Padel Federaciyasi faoliyat yuritadi.

Padel.Uz klubining Toshkentda ikkita filiali mavjud bo'lib, u erda xorijiy mutaxassislar faoliyat yuritadi. Tez orada yurtimizda mazkur sport turi bo'yicha federaciya ochilishi kutilmoqda.


Tadbirdan olingan suratlarni tomosha qiling:

Suratlar muallifi - Habib Jo'raboev