O'zbekistonda MMAga taqiq, dinda ushbu sport turiga munosabat va boshqalar. Liliya SHakirova debyut oldidan fikrlarini bildirdi

Liliya SHakirova: Men dinda jang qilish taqiqlanganiga qaramasdan bunga qaror qilganman. 

- O'zbekistonda o'tgan yilgacha MMA bilan vaziyat og'ir edi. Bu sport turi yaqin yaqingacha taqiqda edi. Qiz bola uchun bu sportda shug'ullanish, umuman musobaqalarda ishtirok etish qiyin bo'lmadimi?

- Ha, boshida buni juda ko'p muhokama qilishgan. Men zallarga kira olmaganman. Ammo meni taniydigan bokschi va kurashchilar bilan mashg'ulot o'tkazardim. 

Birinchi jangda ular menga tayyorlanishga yordam berishgan edi. Qolganlar esa bunga rozi bo'lishmagan. "Biz qizlar bilan ishlamaymiz. Ular nozik bo'lishadi",-deyishgan edi. 

Keyinchalik men Xitoydagi musobaqada g'alaba qozonganimda ular menda nimadir borligini, unchalik ham nozik emasligimni sezishdi. Murabbiylar erkak sportchilarga men bilan ishlashni topshirishdi. Ular ham rozilik bildirishga majbur bo'lishdi. Sababi, buni murabbiy buyurgan edi. 

Biz ishlashni boshlaganimizdan so'ng, men ularga raqobat qila olishimni tushunishdi. Ular bor kuchlari bilan ishlashni boshlashdi. 

- Din taraflama ham biror tushunmovchiliklar bo'lganmi? Sababi, O'zbekiston musulmon mamlakat...

- "Ha, boshida meni juda ko'p tanqid qilishdi. "Sen qiz bolasan, sen jang qilishing kerak emas" deyishdi. Ammo, men jang qilishni xohlar edim. Men dinda harakatlarim taqiqlanganligi haqidagi gaplarga etibor bermadim. Jang qilishda davom etdim. SHu sababli men hozir Abu-Dabidaman. O'sha payt qarshi bo'lganlarni barchasi hozir meni qo'llashadi",-dedi Liliya SHakirova.