O'zbekistonlik, qozog'istonlik va isroillik tennischilar kelishilgan o'yinlarda qatnashgani sababli jazolandi, biri umrbod chetlatildi

2014-2019 yillar davomida kelishilgan matchlar bo'yicha 21 ta ayblov qo'yilgan qozog'istonlik Timur Xabibullin 60 ming dollar jarimaga tortildi va bir umrga tennisdan chetlatildi.

O'zbekistonlik tennischi Sanjar Fayzievga 5 ta ayblov qo'yilgan. U 15 ming dollar jarima to'laydi va 3,5 yilga diskvalifikaciya bo'ladi.

Isroillik Igor Smilanskiy esa 4 ming dollar jarimaga tortilgan va 2 yilga diskvalifikaciya qilindi. Unga 3 ta ayblov qo'yilgan.

Belgilangan jazo tennischilarning chetlatilgan sanasi - 25 iyul kunidan kuchga kirgan. Diskvalifikaciya vaqtida ularga tennis o'ynash, mashg'ulot o'tkazish va tennis tadbirlariga borish taqiqlanadi.