O'zbekistonlik taniqli bloger - Migrantlardan chiqqan yulduzlar haqida

"Kuni kecha MMA bo'yicha dunyoning eng nufuzli turnirlaridan biri UFC'da debyut qilgan hamyurtimiz Nursulton Ro'ziboev, anderdog bo'lishiga qaramasdan, favorit hisoblangan raqibini birinchi raunddayoq nokautga uchratib, g'alaba qozondi. O'sha raqibi bugungi kungacha biror marta mag'lubiyatga uchramagan va "Xalk" laqabini olgan, juda kuchli jangchi edi.



Jang payti Setanta sharhlovchilarining Nursulton haqidagi gaplari etiborimni tortdi. Bu yigit 2012 yilda Rossiyaga ishlagani ketgan ekan... UFC`dagi yana bir vakilimiz Mahmud Muradov ham bir paytlar Rossiyaga gasterbayter bo'lib borgan edi...

Surishtirilsa, sport, sanat va yana boshqa turli sohalarda tanilgan insonlarning ham bekgraundida shu tarix bor. 

Jangdan keyin Nursultonning "10 yildan beri UFC'ga chiqishni kutaman" deb yig'lab yuborgani ham odamni g'alati qilib yubordi. Qoyil qoldim. SHuncha qiyinchilik, shuncha intilishlardan keyin odam o'zi maqsad qilgan, orzu qilgan cho'qqisiga chiqdi, chiqqandayam yorqin ravishda porlab berdi. Eng yaxshi janglar qatorida 50 ming dollarlik bonusni ham oldi birinchi jangidayoq. UFC jangni o'zi uchun yangi kelgan noneymlarga 10-16 ming dollar beradi xolos.

O'sha migrantlik davrlarida bu yigitlar shunday kunlar kelishini o'ylashganmidi? Menimcha ha, chunki yaxshi niyat bu yarim davlat. Insonning hamisha o'ylab yurgan narsasiga o'sha miyadagi kayfiyat ham yaqinlashtirib boradi. Qoyil Nursulton!

Nurbek Alimov  - bloger.