Para engil atletikachilarimiz Jahon chempionatida bittadan oltin va kumush medalga ega chiqishdi

Musobaqada ishtirok etayotgan O'zbekiston terma jamoasi azolari yana 2 ta medalni qo'lga kiritishdi.

25 yoshli Yorqinbek Odilov F57 toifasidagi nayza uloqtirish bellashuvlarida kumush medalga ega chiqdi. Hamyurtimiz o'z urinishlari doirasida 52.06 m natija bilan shaxsiy rekordini yangilab, vice-chempionga aylandi.

Jahon chempionati

Erkaklar o'rtasida nayza uloqtirish dasturi (F57)

1. Muhammet Xalvandi (Turkiya) - 53.30

2. Yorqinbek Odilov (O'zbekiston) - 52.06

3. Amanollah Papi (Eron) - 51.55.

Endi Yorqinbek hisobida Jahon chempionatlarining 2 ta medali mavjud. U 2023-yilda Parij mezbonligidagi dunyo birinchiligida ham kumush medalni qo'lga kiritgandi.

Ayollar o'rtasida T12 toifasidagi uzunlikka sakrash bellashuvlarida ishtirok etgan O'zbekiston terma jamoasi azosi Yoqutxon Xolbekova esa 5.54 m natija bilan eng yaxshi bo'ldi va barcha raqiblarini ortda qoldirgan holda musobaqa oltin medaliga ega chiqdi. Bu Xolbekovaning joriy mavsumdagi eng yaxshi natijasi hisoblanadi.

Jahon chempionati

Ayollar o'rtasida uzunlikka sakrash dasturi (T12)

1. Yoqutxon Xolbekova (O'zbekiston) - 5.54

2. Lida Lounela (Finlandiya) - 5.28

3. Hamri Linda (Jazoir) - 5.16.