Parij-2024 licenziatlari: O'zbek engil atletikasining kelajagi SHarifa Davronova

Ikki yil avval U20 yosh toifasidagi jahon chempionatida raqibalarini ulkan farq bilan ortda qoldirgancha katta sahnaga chiqqan samarqandlik sportchimiz Parijda ham barchani hayratga solishiga ishonamiz.

Davronova SHarifa Jamsherovna 2006 yil 27 sentyabr kuni Samarqand viloyatida tug'ilgan. 2019 yildan O'zbekiston terma jamoasi azosi. Murabbiyi Muzaffar Karimov. SHarifa 2019 yil o'smirlar, 2020 yil kattalar o'rtasidagi mamlakat chempionatida uch hatlab sakrash dasturida g'alaba qozongan. SHundan so'ng ko'plab xalqaro musobaqalarda g'olib va sovrindorlar qatoridan joy olib kelyapti. 

Ikki yildirki, yoshlar o'rtasidagi qita birinchiliklarida g'oliblikni hech kimga bermayapti. 2022 yil Kolumbiyada o'tgan U20 yosh toifasidagi jahon chempionatida, Konya-2021 Islom birdamligi o'yinlarida, 2023 yil Qozog'istonda tashkil etilgan yopiq inshootlardagi Osiyo chempionatida, Xanchjou-2022 yozgi Osiyo o'yinlarida oltin medallarga sazovor bo'lgan. Ko'rsatgan natijalari evaziga “Kelajak bunyodkori” medali bilan taqdirlangan.

Davronova Butunjahon engil atletika federaciyasi (World athletics) tomonidan elon qilingan reyting yakuniga ko'ra, uch hatlab sakrash dasturida Parij-2024 yozgi Olimpiya o'yinlari ishtirokchisiga aylandi.