Paris Masters. Daniil Medvedevda kutilmagan mag'lubiyat

Rossiyalik tennis ustasi ikkinchi davrada reytingning 17-pog'onasidan joy olgan bolgariyalik Grigor Dimitrovga imkoniyatni boy berib qo'ydi - 3/6, 7/6(4), 6/7(2). Grigor o'tgan hafta Venadagi mag'lubiyat uchun Daniildan revansh oldi.  

Tennischilarning o'zaro uchrashuvlarida hamon Medvedev oldinda bormoqda - 6:3. Besh daqiqasi kam uch soat davom etgan bahsda Medvedev 6, Dimitrov 8 ta eys zarbasini amalga oshirgan. Qo'shxatolar tabiiyki, Daniilda ko'proq bo'ldi - 8 ga 2. Breyklar bo'yicha ustunlik 4 ga 3 ko'rinishida Grigor foydasiga!  

Endi Dimitrov Rolex Paris Masters turnirining navbatdagi bosqichida qozog'istonlik Aleksandr Bublikka qarshi kortga chiqadi.