Paulo Kosta nega Ankalaev bilan jangdan bosh tortganini malum qildi

Braziliyalik aralash yakkakurash ustasi tayyorgarlik muddati juda qisqa bo'lgani uchun bu taklifga rad javobini bergan.

"Qo'ng'iroq qilishdi. Ammo jangga 14 kundan kamroq vaqt qolgandi. Abu-Dabiga uchish kerak - bu 16 soatlik yo'l, bir xil pul evaziga va vaqt mintaqasi tashqarisida emas, balki besh raundni o'tkazish. Menimcha, hozir buning manosi yo'q.

Men bu haqda o'ylab ko'rdim, ammo bu haqiqatan ham manoga ega emas ekan. Hozir men taxminan 106 kg vaznga egaman. Men juda qattiq parhezni boshlashim kerak. Yarim og'ir vazn toifasida vaznni to'g'ri qaytarish uchun menga etti-sakkiz haftalik tayyorgarlik kerak bo'ladi. Bu menga 12-14 hafta kerak bo'ladigan o'rta vazn toifasiga qaraganda tezroq, ammo baribir bunday qisqa muddatda jangni qabul qilish yaxshi fikr emas.

Menimcha, menga bu taklifni UFC`ni omma oldida tanqid qilganim uchun berishdi. Bu yaxshi savol va menimcha, shunday. Bu meni biroz ranjitadi, chunki ularning muzokaralar olib borishi menga yoqmaydi. Menimcha, ular istedodli jangchilarni o'zlaridan uzoqlashtiradilar. Ular masofa yaratadi, sportchilar va muzokara olib boruvchilar o'rtasida o'ziga xos ziddiyat yuzaga keladi.

Bunaqasini avval ham ko'rganmiz. SHunday holatlardan biri Frensis Ngannu edi. Ular unga haddan tashqari bosim o'tkazishdi va oxir-oqibat uni ketishga o'zlari majbur qilishdi. Keyin u boshqa tashkilotdagi yirik turnirning asosiy musobaqasida jangga chiqdi", - dedi Kosta jurnalist Ariel Xelvaniga bergan intervyusida.