20 fev 11:52
Yangiliklar

Olimpiya o'yinlari, Qishki sport turlari

Pekin-2022 Olimpiadasi yakunlandi. Medallar jamg'arish bo'yicha yakuniy ko'rinish qanday? (To'liq jadval)

Biroz avval Xitoy poytaxti Pekin shahrida 24-Qishki olimpiya o'yinlari o'z nihoyasiga etdi.

Bugun musobaqaning so'nggi kuni 5 ta medallar jamlanmasi o'ynaldi. Kutilganidek, medallar jamg'arish bo'yicha Norvegiya terma jamoasi birinchi o'rinni egalladi. Ular 16 ta oltin, 8 ta kumush, 13 ta bronza, jami 37 ta medallar shodasi bilan 91 davlat orasida birinchi bo'lishdi.

Ikkinchi o'rinni Germaniya (12-10-5) terma jamoasi band etgan bo'lsa, kuchli uchlikka mezbonlar Xitoy (9-4-2) terma jamoasi yakun yasab berdi. Rossiyaliklar 6 oltin, 12 kumush, 14 ta bronza medali bilan 9-pog'onadan joy olishdi.

Jami 23 davlat kamida 1 ta Olimpiada oltin medalini qo'lga kiritdi. 29 mamlakat delegaciyalari esa kamida 1 ta bronza medali bilan o'z vatanlariga qaytishyapti.