Pereyraning navbatdagi raqibi kim bo'ladi? Uning o'zi savolga javob berdi

"O'ylaymanki, bazi odamlar men bilan jangga rozi bo'lmaydi. Blaxovich bilan bu qiyinroq edi. CHunki Yanning kurashi bor. Bu vazifani qiyinlashtirdi va zarbalarimni samarasiz qildi.

Ishonchim komil, Irji bilan hammasi boshqacha bo'ladi. U ham jangda kurashadigan yigit, lekin bu jarayonda u o'zini namoyon qiladi. Bu xavfli jang ekanligiga shubham yo'q, ammo Blaxovich bilan kurashgandan ko'ra, Proxazka bilan kurashish menga osonroq bo'ladi", - dedi Pereyra.

Eslatib o'tamiz, Pereyra va Blaxovich 29 iyul kuni AQSHning Yuta shtatida o'tkazilgan UFC 291 turnirida o'zaro jang qilishgan edi. Aleks o'sha jangda hakamlar qaroriga ko'ra g'alaba qozongandi. Pereyra va Proxazkaning yarimog'ir vazn toifasida vakant bo'lgan chempionlik kamari uchun jang qilishi kutilmoqda.