13 iyu 11:12
Yangiliklar

Sport kurashlari

Poland Open. Bugun olti nafar yunon-rum kurashchimiz gilamga chiqadi

Xabaringiz bor, shu kunlarda Polsha poytaxti Varshava shahrida sport kurashlari bo'yicha ananaviy xalqaro turnir bo'lib o'tmoqda.

Poland Open reyting turnirida O'zbekiston terma jamoasi ham ishtirok etyapti. Bahslarni boshlab bergan erkin kurashchilarimiz bittadan oltin, kumush va bronza medalini qo'lga kiritishgan edi. Aniqrog'i, Tokio Olimpiadasi licenzianti G'ulomjon Abdullaev chempionlik shohsupasiga ko'tarilgan bo'lsa, Rashid Qurbonov kumush, Mahmud SHavkatov bronza medaliga ega chiqqandi.

Kecha yunon-rum kurashchilarimizdan Jalgasbay Berdimuratov oltin, Elmurat Tasmuradov va Mo'minjon Abdullaev bronza medaliga sazovor bo'lishdi. Bugun Muhammadqodir Yusupov (60 kg), Islom Bahromov va Mirzobek Rahmatov (63 kg), Aram Vardanyan (72 kg), Rustam Assakalov (87 kg) va Ergali Ayximbaev (97 kg) Poland Open medallari uchun gilamga chiqadi.