Poytaxtimizda taekvondo (ITF) bo'yicha O'zbekiston chempionati o'tkazilmoqda

Jismoniy tarbiya va sport vazirligi hamda mamlakat taekvondo ITF Milliy associaciyasi tomonidan tashkil etilgan musobaqada respublikamizning barcha hududlaridan tashrif buyurgan 1100 nafar sportchilar ishtirok etmoqda.

15 iyun kuni poytaxtimizdagi “Sahovat sport servis” majmuasida musobaqaning tantanali ochilish marosimi bo'lib o'tdi.

Tadbirda so'zga chiqqan jismoniy tarbiya va sport vazirining birinchi o'rinbosari Oybek Qosimov Muhtaram Prezidentimiz tomonidan jismoniy tarbiya va sportni ommalashtirishga alohida etibor qaratilayotganini takidlar ekan, yoshlarimiz o'rtasida taekvondo bilan shug'ullanuvchilar sonini yanada oshirish bo'yicha amalga oshirilayotgan ishlar haqida malumot berdi va musobaqani rasman ochib berdi.

SHundan so'ng so'zga chiqqan O'zbekiston taekvondo (ITF) milliy associaciyasi prezidenti Laziz Xasanov erishilgan natijalarga to'xtalar ekan bugungi kunga kelib yurtimizda taekvondoning ushbu yo'nalishi bilan shug'ullanuvchilar soni 40 ming nafardan oshgani, joriy yilning aprel oyida o'tkazilgan Osiyo chempionatida vakillarimiz 14 ta oltin medalni qo'lga kiritishganini aytib o'tdi hamda ushbu chempionat ham kelgusidagi nufuzli musobaqalarga sportchilarni saralab olish maqsadida tashkil etilganligi malum qildi.