Poytaxtlik para atletlar O'zbekiston kubogida tengsiz bo'ldi

Unda mamlakatimizning turli hududidan kelgan 500 nafarga yaqin para atlet raqobatlashdi. Musobaqaning yakuniy natijalariga ko'ra, umumjamoa hisobida Toshkent shahri jamoasi 20 ta oltin, 15 ta kumush va 14 ta bronza jami 49 ta medal jamg'arib, birinchi o'rinni egallagan holda mamlakat kubogiga sazovor bo'ldi. 

SHuningdek, Farg'ona viloyati jamoasi 20 oltin, 15 kumush hamda 9 bronza medal bilan ikkinchi o'ringa joylashdi. 13 ta oltin, 7 tadan kumush va bronza medalga ega chiqqan Buxoro viloyati jamoasi kuchli uchlikni yakunladi. 

Malumot uchun, mamlakat kubogi yakunida g'olib va sovrindorlar tashkilotchilar tomonidan munosib taqdirlandi. Sovrinli o'rinlarni egallagan para atletlar o'z yosh toifasida terma jamoa safiga qo'shib olinadi va nufuzli musobaqalarga tayyorgarlik ko'radi.