Qarshida hisob bo'yicha 13-ixtisoslashtirilgan dzyudo zali foydalanishga topshirildi FOTOREPORTAJ

Marosimda O'zbekiston sportni rivojlantirish vaziri maslahatchisi Avaz Karimov, MOQ bosh kotibi Oybek Kasimov, MOQ raisi o'rinbosarlari Azizjon Kamilov, Ravshan Ermatov, Saken Polatov, Qarshi shahri hokimi Normo'min Xolboev va boshqa mutasaddilar hozir bo'lishdi. 

Jahon talablariga javob beradigan, ko'rgan kishining ko'zini quvontiradigan sport maskanining shu maktab, shu mahalla yoshlariga ayni tatil kunlari foydalanishga topshirilishi bolajonlarning quvonchiga sabab bo'ldi. 

O'zbekiston xalq talimi vazirligi, O'zbekiston dzyudo federaciyasi tomonidan amalga oshirilayotgan ushbu loyiha doirasida mamlakatimizning 11 viloyatida jami 13 ta ixtisoslashtirilgan dzyudo zallarining bunyod etilishi rejalashtirilgan edi. Bugun Qarshida ana shu dzyudo zallarining so'nggisi yoshlar ixtiyoriga topshirildi. 

"Bu sport obektlari aholi zich yashaydigan, yaqin atrofda sport majmualari yo'q hududlarda bunyod etilyapti. Kuni kecha hurmatli Prezidentimiz SHavkat Miromonovich raisliklarida o'tgan videoselektorda ham aynan mahallalarda sport majmualarini bunyod etish, musobaqalarni ko'proq o'tkazish va shu yo'l bilan selekciya jarayonini tashkil etish, terma jamoalarga munosib nomzodlarni etkazib berishga ko'maklashish masalasida so'z borgan edi. Maqsadimiz – jamiyatning boshlang'ich nuqtasi bo'lgan oila hamda mahallalarda ommaviy va professional sportni yanada rivojlantirish, keng aholi qatlami orasida sog'lom turmush tarzini qaror toptirishdan iborat", - dedi MOQ raisi o'rinbosari, mamlakat dzyudo federaciyasi raisi Azizjon Kamilov.  

O'zbekiston xalq talimi vazirligi, O'zbekiston dzyudo federaciyasi va qator hamkor tashkilotlar ko'magida amalga oshirilayotgan bu xayrli ishlar davlatimiz rahbari tomonidan olib borilayotgan islohotlar uchun xizmat qiladi.