04 mar 11:02
Yangiliklar

Dzyudo

Qarshida "Ochiq eshiklar kuni" o'tkazildi FOTOREPORTAJ

Qarshi shahridagi viloyat yakkakurash sport turlariga ixtisoslashtirilgan bolalar-o'smirlar sport maktabida viloyat jismoniy tarbiya va sport boshqarmasi, viloyat dzyudo federaciyasi hamda O'zbekiston Milliy olimpiya qo'mitasining viloyatdagi vakillari hamkorligida sportning dzyudo turi bo'yicha "Ochiq eshiklar kuni" tashkil etildi.

Mazkur tadbirdan ko'zlangan maqsad viloyatda dzyudoni yanada ommalashtirish, mazkur sport bilan shug'ullanayotgan iqtidorli sportchilarni nazoratdan o'tkazish, trenerlar va hakamlar malakasini oshirish, bu borada tizimli ishlarni yo'lga qo'yishdan iborat.

"Ochiq eshiklar kuni"da barcha shahar va tumanlardan 300 nafardan ziyod sportchilar, murabbiylar va dzyudoga qiziquvchi yoshlar ishtirok etdi.

Darvoqe, ushbu marosim boshlanishidan oldin viloyat dzyudo federaciyasi rahbariyati murabbiylar bilan yig'ilish o'tkazdi. Majlis yakunida viloyat bosh murabbiyi etib Ulug'bek Pattaev tayinlandi. Erkaklar terma jamoasiga Bahodir Hojiev, yoshlarga Abbos Mardonov, o'smirlarga G'olib CHoriev, kichik yoshdagi o'smirlarga esa Meronshoh Toshtemirov murabbiy sifatida faoliyat yuritadi.