26 okt 11:48
Yangiliklar
Gimnastika
Qatarda sport gimnastikasi bo'yicha JCH boshlandi: unda hamyurtlarimiz ham ishtirok etmoqdalar
Qatar poytaxti Doha shahrida sport gimnastikasi bo'yicha 48-jahon chempionati start oldi.
Mazkur jahon chempionati sportning ushbu turi bo'yicha Tokio 2020 Olimpiya o'yinlariga licenziya beruvchi dastlabki musobaqadir.
Erkaklar o'rtasidagi bahslarda yurtimiz sharafini Rasuljon Abdurahimov, Abdulla Azimov, Akobir Hamroqulov, Husniddin Abdusamatov, Bobur Toshpo'latov kabi sportchilarimiz himoya qilmoqdalar.
Ayollar o'rtasidagi bellashuvlarda esa afsonaviy Oksana CHusovitina tayanib sakrash va xodadagi mashqlar yo'nalishida bahslarga kirishadi. Ushbu nufuzli musobaqada ilk marotaba ishtirok etayotgan Sabina Turobova esa ko'pkurash bellashuvlarida o'z omadini sinab ko'radi.
Milliy olimpiya qo'mitasi jahon chempionatida sportchilarimizga omad tilaydi.
Havola :
Manba : olympic.uz
Fikrlar