Qilichbozlar Toshkentdagi “G'alaba bog'i”ga tashrif buyurishdi

Mashg'ulotlar jarayoni bilan bir qatorda qilichbozlarning bo'sh vaqtini mazmunli tashkil etish bo'yicha O'zbekiston qilichbozlik federaciyasi tomonidan manaviy-marifiy, madaniy dasturlar ham ishlab chiqilgan. Bundan ko'zlangan maqsad yosh qilichbozlarimiz qalbida Vatanga, boy tariximizga, madaniyatimizga bo'lgan muhabbatni yanada oshirish, vatanparvarlik, milliy urf-odatlari, xalqimizning shonli o'tmishiga hurmat ruhida tarbiyalashdir.

Yig'in doirasida qilichbozlarimiz Toshkent shahrining Olmazor tumanida qad rostlagan “G'alaba bog'i”ga tashrif buyurishdi. Malumki, “G'alaba bog'i” O'zbekiston Prezidenti SHavkat Mirziyoev tashabbusi bilan fashizm ustidan qozonilgan g'alabaning 75 yilligiga bag'ishlab ochilgan.

Park ekspoziciyasida muzey devorlari ichida jonlanib turgandek urush davri manzaralari, harbiylarning manikenlari, xandaqlar, dubinkalar va dala oshxonalari, temir yo'l vokzali, eski kutubxonalar bo'lgan joylar kompoziciyalari aks ettirilgan. SHuningdek, muzeyda urush yillaridagi harbiy qurollarning noyob ko'rgazmasi ham mavjud.

Bog' hududida, ochiq havoda, harbiy texnika va qurol-yarog' ko'rgazmasi bilan yaqindan tanishish mumkin. Bog'ning markaziy xiyoboniga Stalingrad jangi paytida bebaho harbiy qahramonlik ko'rsatgan ulkan qo'shinni boshqargan o'zbek o'g'loni general Sobir Rahimov boshchiligidagi urush qahramonlari va qatnashchilari haykali o'rnatilgan.

«O'zbekiston qilichbozlik federaciyasi tashabbusi bilan bugun biz qilichbozlik bo'yicha kadet-o'smirlar terma jamoasi bilan “G'alaba bog'i” va muzeyida bo'ldik. Biz bu erda go'yoki Ikkinchi jahon urushi dunyosiga kirib bordik. Ayniqsa, frontdagi askarlarning o'z yaqinlariga yozgan xatlarini ko'rib tasirlandim. Zero, bizning bobolarimiz tinch osmon ostida yashashimiz uchun kurashdilar. Ularga katta rahmat va barcha qilichbozlar nomidan chuqur tazim bildiraman«, – dedi qilichbozlikning rapira turi bo'yicha milliy terma jamoa murabbiyi Abror Sobirov.

Ushbu bog'ga tashrif buyurib, siz sokin yo'laklar bo'ylab yurar ekansiz ajoyib manzaradan bahra olasiz. Noyob yodgorliklar va go'zal manzaralar tufayli bu maskan poytaxtimizda tashrif buyuradigan eng mashhur joylardan biriga aylanmoqda.

Bundan tashqari, o'zbek xalqining Ikkinchi Jahon urushi frontlaridagi jasorati va qahramonligi, shuningdek, front uchun barcha zarur narsalar bilan taminlagan front ortida ishlaganlarning mehnat qahramonligi hech qachon unutilmaydi. Tarixiy ildizlarimizni bilish yosh avlodni tarbiyalash, manaviy boy, barkamol, jismonan baquvvat shaxsni shakllantirishning asosidir.

Qilichbozlarimiz ushbu ekskurciyadan unutilmas taassurot bilan qaytishdi. Sportchilarimiz O'zbekiston qilichbozlik federaciyasiga va ushbu tadbirning barcha tashkilotchilariga o'z minnatdorliklarini bildirdilar.