Qilichbozlik bo'yicha O'zbekiston terma jamoasining yangi azosi haqida nimalar bilamiz? + Qaynoq suratlar

Eshitdik-da! Qilichbozlik bo'yicha terma jamoamizga Meksikadan legioner jalb etildi

Xo'sh, u haqida nimalar bilamiz? Paola Pliego 1994 yilda Mexikoda tug'ilgan. U to'rt yoshligida qilichbozlik bilan bog'liq spektaklni tomosha qilganidan so'ng sportning ushbu turiga qiziqib qolgan. O'shandan so'ng u opasi bilan birga mashg'ulotlarga qatnay boshlagan. Meksika chempionatida qo'lga kiritilgan dastlabki medaldan so'ng ikki karra Olimpiada chempioni Mariel Zagunis bilan birga mashg'ulotlar o'tkaza boshlagan. 

2013-2014 yilgi mavsumda o'smirlar reytingini birinchi o'rinda yakunlaydi. O'sha yili o'z yosh toifasida jahon kubogida g'olib chiqqan. Kelasi mavsumda esa Satellit turnirida ikkinchi o'rinni qo'lga kiritadi. 2015 yili Panamerika chempionatida bronza medali, jamoaviy bahslarda esa kumush medalga sazovor bo'lgan. 

2016 yilgi Rio Olimpiadasi oldidan esa Paola taqiqlangan moddalarni istemol qilganligi sabab, doping bilan bog'liq mojarolarga o'ralashib qoladi. Biroz vaqt o'tgach u muammolardan halos bo'ladi. Biroq, Meksika terma jamoasidan umuman chaqiruv olmaydi. 

Endilikda u O'zbekiston terma jamoasi sharafini himoya qiladi. U mazkur qarorni Meksikadagi korrupciya bilan izohlagan. 

Aytgancha, biz esa uning Instagramdagi sahifasini qidirib topdik.  Uning suratlarini tomosha qilar ekansiz, ijtimoiy tarmoqlarda haddan tashqari faol ekanligiga guvoh bo'lishingiz mumkin. Umid qilamizki, Paola O'zbekistonda qilichbozlikka qiziqishni yanada oshiradi va mazkur sportning ommalashtirishga o'z hissasini qo'shadi :)