Qo'qonda ixtisoslashtirilgan dzyudo zali foydalanishga topshirildi FOTOGALEREYA

Kuni kecha Farg'ona viloyati Qo'qon shahridagi 20-umumtalim maktabi hududida bunyod etilgan va barcha talablarga javob beruvchi engil konstrukciyali dzyudo zalining tantanali ochilish marosimi bo'lib o'tdi. 

Bayramona ruhda o'tgan tadbirda O'zbekiston Xalq talimi vaziri SHerzod SHermatov, Qo'qon shahar hokimi Maruf Usmonov, O'zbekiston Milliy olimpiya qo'mitasi raisi o'rinbosari, mamlakat dzyudo federaciyasi raisi Azizjon Kamilov, terma jamoamiz bosh murabbiyi, dzyudo tarixidagi eng yosh Olimpiada chempioni, afsonaviy Ilias Iliadis ishtirok etdi.

"SHu kunlarda ushbu loyiha doirasida Respublika bo'ylab har bir viloyatda zamonaviy ixtisoslashtirilgan dzyudo zallari bunyod etilmoqda. Kuni kecha Samarqandda ana shunday dzyudo zalini foydalanishga topshirgan edik. Bugun siz bilan loyiha doirasidagi ikkinchi ixtisoslashtirilgan dzyudo zalining ochilish marosimiga jam bo'ldik. Loyihaga ko'ra, aholi eng zich joylashgan xududlardagi 15 maktabda 28 000 o'quvchi va 70 000 nafar bolalarni sport to'garaklariga jalb qilish imkoniyati yuzaga keladi. Bizning asosiy maqsadimiz – joylarda sog'lom turmush tarzini yanada shakllantirish, bolalarning bo'sh vaqtini maxmunli tashkil etish va ularning dzyudoga bo'lgan mehrlarini maktab yoshidanoq uyg'otishni taminlash iborat", - dedi Xalq talimi vaziri.

Ushbu zal barcha zamonaviy talablarni inobatga olgan holda bunyod etilgan bo'lib, erkaklar va ayollar kiyinish xonalari, dush, avtonom isitish tizimi, eng yaxshi mashq uskunalari, jahonda sertifikatlangan ishlab chiqaruvchilarning tatami gilamlari bilan jihozlangan.

"Fursatdan foydalanib, Farg'ona viloyati hokimi Xayrulla Bozorovga rahmat aytmoqchiman. Xayrulla Hayitboevichning qo'llab-quvvatlashi bilan viloyatda olimpiya oilasiga mansub dzyudo yakkakurashi ham boshqa sport turlari qatori yanada ommalashib boryapti. Istagimiz viloyat dzyudochilarining ichki hamda xalqaro musobaqalarda ko'rsatayotgan natijalari ham tahsinga loyiq bo'lib borsin. Bugun foydalanishga topshirayotgan dzyudo zalimiz shu maqsadga xizmat qilsin", - dedi A.Kamilov.

Eslatib o'tamiz, Prezident SHavkat Mirziyoevning hududlarga tashrifi chog'ida engil konstrukciyali (sendvich-panelli) sport inshootlarini qurish bo'yicha ko'rsatma berilgan edi. O'zbekiston dzyudo federaciyasi hamda Xalqa talimi vazirligi hamkorligida boshlangan bu xayrli ishlar ana shu islohotlarning amadagi ifodasi bo'lmoqda. Yil so'nggiga qadar yana bir nechta viloyatda xuddi shunday engil konstrukciyali ixtisoslashtirilgan dzyudo zallari foydalanishga topshiriladi.