Qozog'istonlik ikki nafar taniqli bokschi doping sabab diskvalifikaciya qilindi

Boks bo'yicha Qozog'iston terma jamoasida doping bilan bog'liq mojaro yuz berdi. Qozog'iston Milliy antidoping markazi xabariga ko'ra, 2022 yilgi Osiyo chempionati bronza medali sohibi Samatali Toltaev anabolik steroid bo'lgan oralturinabolni qo'llagani uchun 2026 yilning 31 martigacha diskvalifikaciya qilingan.

Yana bir qozog'istonlik bokschi Serik Abzal metasterondan foydalangani uchun u 2026 yilning 7 apreligacha diskvalifikaciya oldi. Serik shu yil Tailand poytaxti Bangkok shahrida 22 yoshgacha bo'lganlar o'rtasidagi Osiyo chempionatida kumush medalni qo'lga kiritgan.