Qozog'istonlik tennischi European Open turniri g'olibi!

European Open musobaqasining bosh sovrini Aleksandr Bublikka nasib etdi. Dunyoning 36-raketkasi bo'lib kelgan qozog'istonlik tennischi hal qiluvchi final uchrashuvida ATP reytingida o'zidan ikki pog'ona quyida borayotgan franciyalik Artur Fisni ikki setda ham bir xil hisobda mag'lubiyatga uchratdi - 6/4, 6/4.

Tennischilarning o'zaro ilk rasmiy uchrashuvi 76 daqiqa davom etgan. Bublik 11, Fis 6 ta eys zarbasini amalga oshirgan. Bu qozog'istonlik tennischining mavsumdagi ikkinchi, faoliyatidagi uchinchi ATP sovrini bo'ldi. European Open turniridagi muvaffaqiyatli ishtirok Bublikka 250 reyting ochkosi hamda 102,460 dollar mukofot puli keltirdi.