Qozoq bokschisi Top-50`ga kirgan reytingda Murodjon Ahmadaliev 35-pog'onadan o'rin oldi

Ikkinchi eng engil vaznda (55 kg) IBF va WBA Super kamarlari sohibi, o'zbekistonlik 28 yoshli charm qo'lqop ustamiz Murodjon Ahmadaliev WorldBoxingNews talqiniga ko'ra, dunyoning eng kuchli 50 nafar bokschilari reytingiga kiritildi.

Ahmadaliev mazkur reytingda 35-o'rindan joy olgan. Bokschimiz reytingda britaniyaliklar — Josh Teylor va Kallum Smit, amerikalik Kaleb Plant singari taniqli bokschilardan yuqorida borayotganini takidlab o'tish lozim.

Bundan tashqari, ushbu reytingdan o'rta vaznda WBO chempioni, 14 noyabr kuni o'z kamarini muvaffaqiyatli himoya qilgan qozog'istonlik bokschi — Janibek Alimxanulining ilk bor joy olganini (49) takidlash joiz.