Rahmatjon Ro'zioxunov Ahmadaliev-Tapales jangi haqida: Durang elon qilinsa ham bo'lardi

«Murodjonni jangi bo'yicha apellaciya berishmoqchi. CHunki, jangda KAKA oxirgi raundlarda ustunlik qilgan edi. To'qnashuvni qayta ko'rib chiqishlari va revansh jangi uchun harakat qilishmoqda. Promouterlar bilan gaplashdik. Tez kunlarda bu masala aniq bo'ladi deb o'ylayman. 

Bir jihatni takidlash kerakki, ushbu oqshomda biz mehmon edik. SHuning uchun bu jangni teng kurashlar ostida o'tdi deb o'ylab, yangilik qilishmoqchi bo'lishdi, yangi chempion sifatida Tapalesni qo'lini ko'tarishdi. Durang elon qilinsa ham bo'lardi. G'alabani ikkita hakam raqibga, bitta hakam bizga berdi. 

Murodjon so'nggi - chempionlik raundlarini o'z foydasiga hal qilgan edi. Prof boksda aniq zarbalarni hisoblash kerakda. Biz aniq zarbalar sonini hisoblab chiqdik. To'g'ri, Ahmadaliev o'zimizniki bo'lgani uchun shunday ko'rinishi ham mumkin. Qaerdadir bizdan ham xatolar bo'lgandir. Lekin biz uchun KAKA g'alaba qozongan edi. Murodjon chempion, ikkita kamar sohibi, bu darajadagi jangda g'alabani berib yuborish kerak emas edi», - dedi Ro'zioxunov Olamsport.com saytiga bergan intervyusida.