Ramzan Qodirov Lobov - Tuxugov jangini tashkil qilmoqchi

Lobov garchi rossiyalik sportchi bo'lsada, hozirda Konor Makgregor bilan bir klubda mashg'ulot o'tkazmoqda. Yani, u irlandiyalik sobiq jahon chempionining jamoadoshi hisoblanadi. 

Yodingizda bo'lsa, Tuxugov yaqinda Xabib Nurmagomedov va Konor Makgregor o'rtasidagi jang yakunlanishi bilan oktagonga yugurib chiqib, irlanliyalik sportchini kaltaklashga uringandi. O'shandan keyin Lobov Tuxugovni jangga chorlagan edi.  

“Biz bunday chorlovlarni bajonidil qabul qilamiz. Agar Zubayra Tuxugov va Artyom Lobov o'rtasidagi jangni UFC doirasida tashkil qila olmasak, u holda istalgan yakkakurash maydonchasida bahsni o'tkazishga tayyormiz. 

Biz jangni yuqori saviyada o'tkazamiz va Artyomga yaxshigina gonorarni kafolatlaymiz. Hamma gap uning o'zida qoldi. O'ylaymanki, Lobov bu gaplarni shunchaki keng ommaga maqtanib qo'yish, shov-shuv ko'tarish uchun aytmagan”, - dedi Qodirov.